serabranka

Футбол на Каляды

2009-12-19T11:29:15Z

Купка апантаных аматараў футболу ладзіць футбольны турнір дваровых камандаў: http://serabranka.at.tut.by/kalkub.htm

Паколькі гульні ладзяцца на вольным паветры ў самы разгар класічнай кантынентальнай зімы, вынікі цяжкапрадказальныя.

Убачыць на ўласныя вочы экстрэмальны футбол можна будзе ў нядзелю на пляцоўцы каля ФАК "Серабранка" (прыпынак Шэпічы)

Сухараўскі сход па вылучэнню дэлегатаў на Беларускі Еўрапейскі Форум (фота)

2009-10-30T22:19:11Z

Удзельнікі імпрэзы вылучылі на Форум 29 дэлегатаў, а Зміцер Вайцюшкевіч зладзіў паўнавартасны канцэрт.

Управа Партыі БНФ у пятнічны вечар была перапоўнена.

Перад прысутнымі выступілі памочнік лідэра Руху “За Свабоду”Алесь Лагвінец і каардынатар аргкамітэту па Мінску Юрась Меляшкевіч. Удзельнікі задавалі пытанні.

На сходзе прынятае рашэнне вылучыць дэлегатамі на Беларускі Еўрапейскі Форум 29 чалавек.

Сход перайшоў у музычную вечарыну. Зміцер Вайцюшкевіч узяў гітару і выканаў песні “Дарога”, “Галодны воўк”, “Мора”, Мірныя людзі”, песня “Пра Сяброўства” ды шэраг іншых.

А гэта спецыяльна для фанатаў Вайцюшкевіча (здымак даступны ў "вялікіх пікселах" :))

Князь і Княгіня

2009-10-24T22:18:10Z

Быў у чацвер у Палацы Мастацтваў на адкрыцці выставы, прысвечанай тысячэгоддзю Літвы, дык уразіла сваёй арыгінальнасцю скульптура Геніка Лойкі.

Новы твар Партыі (фота)

2009-09-08T18:04:35Z

5-га верасня ў Мінску прайшоў дванаццаты з'езд Партыі БНФ, у выніку працы якога адбылася змена кіраўніцтва і карэктыроўка курса

Лявон Баршчэўскі адкрывае з'езд

Старая каманда

Ганаровыя госць Станіслаў Шушкевіч

Ганаровы госць Аляксандр Мілінкевіч

Павал Севярынец

Леў Марголін

Уладзімір Арлоў

Старшыня і прэса

Галасаванне

Лабковіч і Мальчык

Юры Хадыка

"Мае віншаванні..."

Час роздуму

Івашкевіч і Міхалевіч

Новы старшыня Аляксей Янукевіч

Купальскі кубак

2009-06-29T08:38:48Z

У Мінску адбыўся турнір па міні-футболе, прымеркаваны да беларускага старажытнага свята “Купалле”. Лепшыя гульцы і каманды атрымалі адмысловыя прызы.

У турніры ўдзельнічалі шэсць каманд: “Супольнік”, “Мерыдыян”, “Паўаматары”, “ФізЭк”, “Грунвальд” і “Крэсы”.

Нягледзячы на незвычайную спёкі, усе каманды мужна адыгралі свае гульні да канца. У самаадданай барацьбе 1-е месца заняла каманда студэнтаў БДУ “ФізЭк”, 2-е – “Мерыдыян”, 3-е – “Паўаматары”. Яны ў якасці ўзнагарод атрымалі адпаведна Купальскі кубак ды чароўны крышталёвы рог, кнігу Алега Латшонка “Жаўнеры БНР”, дыск з дакументальнай публіцыстычнай стужкай “Рок назаўжды”.

Лепшым брамнікам прызнаны Сяргей Самусенка з “Мерыдыяну”. Ён атрымаў ордэн “Шчыт Бацькаўшчыны” (шасціканцовы крыж на фоне беларускага сцяга), які ўяўляе сабой значак ручной работы беларускіх майстроў. Лепшы нападнік Віталь Руды з “Супольніка”, які забіў шэсць галоў уганараваны футболкай з надпісам “Вялікае тысячэгодзе Вялікай Літвы”. Усе гульцы атрымалі таксама сувенірныя календарыкі “Радыё Свабода”.

Турнір па міні-футболе “Купальскі кубак” упершыню быў праведзены ў 2003 годзе на прызы Мінскай арганізацыі ГА “БНФ Адраджэнне”. З тае пары турнір арганізуецца футбольным клубам “Супольнік” адзін раз на два гады.

Фотарэпартаж цалкам тут

Бліц-інтэрв'ю з капітанамі камандаў напярэдадні турніра
(падрыхтавала Іна Кебікава)

Паўаматары

− Чаму такая назва каманды?

− Кожны з нас хацеў быць прафесіяналам, але лёс склаўся так, што хрусь і папалам…

− Чаму не “Паўпарафесіяналы”?

− Мы не гуляем у прафесійных гульнях, чаго вымагае назва. А “Паўаматары” гучыць упэўнена і супернікі пачынаюць баяцца. Гэта такі псіхалагічны ход.

− Якія прагнозы на гульню?

− Мы будзем гуляць з “ФізЭКам” і пераможам.

− Што для вас найбольш прыемнае ў спаборніцтве?

− Самы прыемны момант – гэта частаваць расчараваных супернікаў шампанскім з Купальскага кубку.

Грунвальд

− У якіх турнірах вы ўдзельнічалі раней?

− Заўтра ў нас дэбют

− Якое надвор’е замаўляеце на турнір?

− У арганізатараў няма рэсурсаў, каб замовіць надвор’е.

Крэсы

− Чаму так часта мяняеце назву Каманды?

− Мяняецца састаў мяняецца і назва каманды. Зараз мы ўзялі першапачатковую назву.

− На мінулыя турніры вы рыхтавалі матэрыялы пра сваю каманду, ці рыхтуеце на гэты кубак які-небудзь сюрпрыз?

− Так, безумоўна рыхтуем, але калі гэта сюрпрыз, то хай і застанецца сюрпрызам да гульні.

ФізЭК

− Чаму абралі футбол?

− Ведаў, што ў мяне будуць браць інтэрв’ю

Кубак Серабранкі

2009-05-31T17:22:33Z

У мікрараёне Серабранка адбыўся турнір па міні-футболе на кубак Серабранкі

Больш разгорнуты фотарэпартаж тут

Акцыя "За Незалежнасць" (фота)

2009-05-14T22:47:02Z

"Малады фронт" меў намер прайсці маршам па галоўнаму праспекту сталіцы ад Кастрычніцкай плошчы да плошчы Незалежнасці, каб звярнуць увагу мінчукоў да пагрозы страты суверэнітэту краіны і адзначыць гадавіну ганебнага рэферэндума 1996 году, паводле вынікаў якога у якасці дзяржсымволілікі сталі выкарыстоўваць прасавецкія сцяг і герб замест нацыянальных.

Як улада ўскладніла сабе шлях у Еўропу

2009-04-07T21:45:08Z

Судовыя выканаўцы ўсё-такі канфіскавалі маёмасць Руху "За Свабоду"

Глядзіце таксама тут

Сустрэча з Уладзімірам Арловым

2009-03-29T00:10:10Z

Сустрэча з гісторыкам і пісьменнікам, а таксама прэзентацыя ягонага фільма "Дзень Волі" адбылася ў Мінску 28 сакавіка

Трохі таксама тутака

Дзень Волі 2009

2009-03-25T23:03:59Z

Замест традыцыйнага шэсця – жывы ланцуг з расцяжкамі і нацыянальнымі штандартамі

Аляксандр Мілінкевіч

Лявон Баршчэўскі і Вінцук Вячорка

Уладзімір Някляеў

Мікола Статкевіч

Дыктоўка па Сухараўскі

2009-03-21T15:38:34Z

Прыгожа, весела і цікава :)

Уладзімір Падгол

Алесь Лагвінец

Валярына Кустава

Пра тое, як праходзіла дыктоўка, можна пачытаць тут

Дзень салідарнасці

2009-03-17T00:13:12Z

Традыцыйная штомесячная акцыя ў падтрымку зніклых палітыкаў і пацярпелых ад палітычных рэпрэсій

Ланцуг неабыякавых

2009-03-12T21:20:13Z

Акцыя ў падтрымку пацярпелых ад палітычных рэпрэсій у Мінску на Кастрычніцкай плошчы

Акцыі да дня салідарнасці

2009-02-17T00:27:45Z

Соры, здымкаў няма. Акаунт на photobucket.com прыбраны :(

Вольныя Шэпічы

2009-02-01T01:30:37Z

Недаўна даведаўся пра цікавую рэч:

10 год у пасляваенных Шэпічах існавала паселішча свабодных людзей, якія жылі па-за савецкай сістэмай

На мінскую акцыю прадпрымальнікаў выйшла некалькі чалавек

2009-01-12T11:59:02Z

Актывісты прадпрымальніцкага Руху намерваліся пратэставаць супраць падвышэння каэфіцыента з 1,5 да 2 пры вызначэнні адзінага падатку, а таксама супраць рэзкага падвышэння шэрагу іншых плацяжоў, прывязаных да еўра, з-за дэвальвацыі нацыянальнай валюты.

Актывісты таксама патрабуюць удзелу прадстаўнікоў прадпрымальнікаў у вырашэнні іх праблемаў на дзяржаўным узроўні.

На Кастрычніцкай плошчы былі заўважаны Алесь Макаеў, Ігар Леднік, Мікола Чарнавус дя яшчэ пару чалавек. Падтрымаць прадпрымальнікаў прыйшоў лідэр “Еўрапейскай Беларусі” Мікола Статкевіч. Здалёк за акцыяй назіраў лідэр РГА “Перспектыва” Анатоль Шумчанка. З боку Палаца Рэспублікі трымаліся чыноўнікі Мінгарвыканкама, адказныя за прадпрымальніцтва, у прыватнасці Аляксандр Каліноўскі са сваім памочнікам. Акрамя звыклых для такіх акцыяў журналістаў незалежных СМІ, падрабязныя інтэрв’ю ў прадпрымальніцкіх актывістаў узялі журналісты беларускага тэлебачання.

Макаеў

Пра давер да беларускага рубля

2009-01-08T18:52:07Z

Нягледзячы на 20%-ю дэвальвацыю беларускага рубля, попыт на замежную валюту сярод насельніцтва значна перавышае прапанову банкаў. У абменныя пункты з банкаў практычна не завозіцца валюта. Абменнікі прадаюць даляры ці еўра толькі тады, калі іх ім нехта з кліентаў здае. Аднак прагных да замежнай валюты ў дзясяткі разоў болей.

Да абменніка ў "Беларусі" без "зялёнае валюты" учора было не падабрацца

Глядзі фота таксама тут

З Калядамі

2008-12-25T23:48:54Z

Крыніца

Вось такія паштовачкі серабранаўцы малююць :)

У абрысах будынку пазнаецца каплца каталіцкай парафіі Яна Хрысціцеля, што на вул. Пляханава

Што варта падарыць :)

2008-12-23T13:53:15Z

Як раз перад Калядамі, Раством і НГ у поле зроку трапілі тры файныя рэчы, якія могуць быць сціплым, але сымпатычным падарункам на свята.

1. Перакідны календар пра бацькоў беларускай дзяржаўнасці, які мог заняць пачэснае месца у "нашаніўскай серыі", але выдадзены энтузыястам і адначасова кемлівым прадпрымальнікам Алесем Мазанікам

2. Доўгачаканы і унікальны аўдыёзборнік мацнейшага сучаснага беларускага паэта Уладзіміра Някляева. Вершы чытае аўтар (і як чытае!).

3. Дыск, поўны цудоўных джазавых кампазыцый на знакавыя беларускія песні вытанчанага музыкі, амерыканца, беларускага эмігранта Аляксандра Растопчына

Суд над Аляксандрам Баразенкам

2008-12-09T00:42:00Z

Апошні фігурант "Сравы 14" з 27 кастрычніка знаходзіцца ў СІЗА. Ягоныя паплечнікі, якія праходзілі па справе, пакараныя штрафамі альбо абмежаваннем волі без накіравання ў спецыяльныя ўстановы. Паколькі ва ўладных структурах зараз перавагае курс на лібералізацыю, праваабаронцы разважаюць: пакараюць хлопца абмежаваннем волі, рызыкуючы ўнесці напружанне ў стасунках з Еўропай, альбо апраўдаюць, што ў сённяшніх варунках больш лагічна, але стварае небяспечны для уладаў прэцэдэнт (што рабіць з астатнімі фігурантамі? таксама
апраўдаваць?)

Алесь Родзін

2008-12-07T00:26:54Z

У майстэрні (верасень, 2003 г.)

Спецыяльна для таго, у каго сёння ДН :)
фота з архіву

Марак Вайцюшкевіч

2008-12-06T23:48:10Z

Вайцюшкевіч прэзентаваў "Тое, што трэба", а Някляеў шчыра парадаваўся з'яўленню ў продажы сваёй аўдыёкнігі і пранікнённа прачытаў верш. Заля спыніла дыханне...

Выхад каляровай "НН" не застаўся незаўважаным шведамі

2008-12-06T23:38:01Z

Трэнеры з Кальмара Мія Грэндаль і Вольга Вале даюць сваю ацэнку апошняму нумару выдання на сустрэчы з беларускімі фотажурналістамі

Залаты апостраф

2008-12-03T21:23:05Z

У Палацы Мастацтваў ушаноўваць майстроў пяра сабраліся Дубавец, Някляеў, Хадановіч, Бураўкін, Пашкевіч, Пятровіч, барадаты Вайцюшкевіч, Белы, Бартосік, Беланогая ды інш.

Каб паглядзець іншыя фота, цісніце на малюнак :)

economic crisis

2008-11-25T20:27:28Z

Паводле Еўраньюс,ЗША абвесцілі пра выдаткаванне 800 мільярдаў даляраў (!) на стымуляванне спажывецкага попыту ўнутры краіны. Пры гэтым амерыканскія аналітыкі прагназуюць адмоўны (-0,9%) рост ВУП.

Калі ўлічваць розніцу у колькасці жыхароў ЗША і Беларусі, адпаведная падтрымка для нашай эканомікі мусіць складаць мільярдаў 27 (даляраў, канешне). Іх у нас няма.

Пытанне: Якім бокам абернецца для Беларусі гэтая, як кажуць у нас, "сусветная фінансавая неразбярыха"?